Bugun, 13-iyun kuni Andijon davlat tibbiyot institutida navbatdan tashqari ilmiy kengash yig‘ilishi bo‘lib o‘tdi. Unda institut rektori M.Madazimov, prorektorlar, kafedralar mudirlari, kengash a’zolari ishtirok etdi.
Unda mas’ullar tomonidan kun tartibidagi masalalar: Yakuniy davlat attestatsiya imtihonlari natijalari, ixtisoslashgan kengashlar bo‘yicha ma’lumotlar taqdim etildi.
Qatnashchilar tomonidan kun tartibidan o‘rin olgan masalalar yuzasidan muhokamalar o‘tkazildi, takliflar bildirildi.
Shuningdek, institut rektorining yaqinlashib kelayotgan Qurbon hayiti bayrami munosabati bilan bayram tabrigi va dam olish kunlari, institut rektorining bayram munosabati bilan xodimlarni mukofotlash to‘g‘risidagi buyrug‘i o‘qib eshittirildi.
