Bugun, 6-iyun kuni Andijon davlat tibbiyot institutida 2024-2025-o‘quv yili Qabul hay’ati a’zolari ishtirokida “Korrupsion holatlarga yo‘l qo‘ymaslik” mavzusida yig‘ilish o‘tkazildi. Unda O‘quv ishlari bo‘yicha prorektor B.Abdullajonov, rektor maslahatchisi X.Zokirov, Korrupsiyaga qarshi kurashish va Komplayens nazorat tizimini boshqarish bo‘limi boshlig‘i S.Asqarov, Qabul komissiyasi mas’ul kotibi J.Ibragimov, fakultet dekanlari, dekan o‘rinbosarlari, qabul komissiyasi xodimlari ishtirok etdi.
Yig‘ilish davomida mas’ullarga vazifalar taqsimlandi, qabul jarayoni davomida amalga oshiriladigan muhim masalalar yuzasidan, muhokamalar o‘tkazilib, kerakli ko‘rsatmalar berildi.
Korrupsiyaga qarshi kurashish va Komplayens nazorat tizimini boshqarish bo‘limi boshlig‘i tomonidan 2024-2025-o‘quv yili uchun qabul jarayonlarini shaffof holatda o‘tkazish eng muhim vazifalardan biri ekanligini aytib o‘tildi. Korrupsiya va uning oqibatlari haqida videolavha namoyish etilib, kerakli xulosalar olindi. Shuningdek, korrupsiya, uning kelib chiqish sabablari, oldini olish chora-tadbirlari to‘g‘risida batafsil ma’lumot berildi.
