Bugun, 12-iyul kuni Andijon davlat tibbiyot institutida “Qabul-2024” test jarayonlarini adolatli va shaffof o‘tkazish masalalariga bag‘ishlangan yig‘ilish o‘tkazildi.
Unda institut rektori M.Madazimov boshchiligida prorektorlar, rektor maslahatchilari, qabul komissiyasi a’zolari, bo‘lim boshliqlari, fakultetlar dekanlari ishtirok etdi.
Yig‘ilish davomida qabul imtihonlari jarayonlarini munosib tarzda o‘tkazish yuzasidan mas’ullarga vazifalar taqsimlandi. Jarayonlar davomida korrupsion holatlarga yo‘l qo‘ymaslik, berilgan vazifalarni sidqidildan bajarish bo‘yicha muhim eslatmalar aytib o‘tildi. Qabul komissiyasi mas’ul kotibi tomonidan belgilangan rejalar aytib o‘tildi.
Shuningdek, xorijlik abituriyentlarning ham imtihon jarayonlarini belgilangan tartibda o‘tkazish yuzasidan mas’ullarga topshiriqlar berildi.
