Bolalarga quvonch va shodlik ulashishda davom etilyapti. 1-iyun Xalqaro bolalarni himoya qilish kuni munosabati bilan Stomatologiya fakulteti reabilitologiya va otorinoloringologiya kafedrasi xodimlari viloyat Sog‘liqni saqlash boshqarmasi tasarrufidagi Bolalar uyi tarbiyalanuvchilaridan xabar oldilar. Jajji o‘g‘il-qizlarga sovg‘alar bilan bir qatorda shirin so‘z va mehribonlik hadya etgan institut xodimlarining o‘zlari ham beg‘ubor bolalikka qaytdilar go‘yo.
