Andijon davlat tibbiyot instituti tomonidan iqtidorli va yuqori natijalarga erishayotgan talabalarni qo‘llab-quvvatlash maqsadida 1 milliard so‘mgacha grant o‘rinlari ajratilmoqda. Ushbu tashabbus yoshlarning ilm olishga bo‘lgan intilishini rag‘batlantirish, ularni yanada katta marralarga ilhomlantirishga xizmat qiladi.

Mazkur grantlar institutning byudjetdan tashqari mablag‘lari hisobidan ajratilib, GPA ko‘rsatkichi 3,3 dan 4,0 gacha bo‘lgan, belgilangan toifaga kiruvchi talabalarga taqdim etiladi.

Bunda oliy ta’lim tashkiloti granti taqdim etilgan talabaning GPA ko‘rsatkichi:

3.3- 3,39 bo‘lganda — to‘lov-kontrakt summasining 20 foizi;

3.4- 3,49 bo‘lganda — to‘lov-kontrakt summasining 30 foizi;

3.5- 3,59 bo‘lganda — to‘lov-kontrakt summasining 40 foizi;

3.6- 3,69 bo‘lganda — to‘lov-kontrakt summasining 50 foizi;

3.7- 3,79 bo‘lganda — to‘lov-kontrakt summasining 60 foizi;

3.8- 3,89 bo‘lganda — to‘lov-kontrakt summasining 70 foizi;

3.9- 3,99 bo‘lganda — to‘lov-kontrakt summasining 80 foizi miqdoridagi qismi institutning byudjetdan tashqari mablag‘lari hisobidan qoplab beriladi.

Ushbu grant orqali talabalarning to‘lov-kontrakt summasining muayyan qismi qoplab beriladi, bu esa ularning moliyaviy yukini sezilarli darajada yengillashtiradi.

Talabgorlar belgilangan tartib asosida ariza topshirishlari lozim.

Ma’lumot uchun: qo‘shimcha grant ajratiladigan toifalar ro‘yxati Ijtimoiy himoya milliy agentligi hamda Oliy ta’lim, fan va innovatsiyalar vazirligi tomonidan tasdiqlanadi.

Bilimga intilgan, natija ko‘rsatgan talabalar uchun bu — katta imkoniyat! Fursatni boy bermang!