O‘zbekiston Respublikasi davlat mustaqilligining 35 yilligi hamda yangi 2026–2027-o‘quv yilini munosib kutib olish maqsadida Andijon davlat tibbiyot institutida keng ko‘lamli obodonlashtirish va ko‘kalamzorlashtirish ishlari jadal sur’atlarda amalga oshirilmoqda.

Institutning barcha o‘quv binolari, talabalar turar joylari hamda ularning atroflari tartibga keltirilib, hududlarda tozalik va ozodalikka alohida e’tibor qaratilmoqda. Gulzorlar barpo etilib, turfa rangdagi anvoyi gullar ekilmoqda, mavjud manzarali daraxt va butalar parvarish qilinmoqda. Amalga oshirilayotgan ushbu ishlar institut hududining yanada ko‘rkam va shinam qiyofa kasb etishiga xizmat qilmoqda.

Obodonlashtirish va ko‘kalamzorlashtirish ishlari nafaqat ta’lim maskanining estetik qiyofasini yanada yaxshilash, balki talaba-yoshlar, professor-o‘qituvchilar hamda tashrif buyuruvchilar uchun qulay, zamonaviy va fayzli muhit yaratishga qaratilgan.

Andijon davlat tibbiyot instituti jamoasi yurtimizning eng ulug‘ va aziz bayrami – Mustaqillikning 35 yilligini munosib qarshi olish hamda yangi o‘quv yilini obod, fayzli va yuksak kayfiyatda boshlash yo‘lida ezgu ishlarni izchil davom ettirmoqda.