Payshanba — Yoshlar kuni munosabati bilan Andijon davlat tibbiyot institutida talaba-yoshlarning siyosiy-huquqiy, ma’naviy-ma’rifiy bilimlarini oshirishga qaratilgan mazmunli uchrashuv tashkil etildi.

Tadbir davomida O‘zbekiston taraqqiyotining kelgusi bosqichiga mo‘ljallangan 7 ta milliy dasturning mazmun-mohiyati, ularning mamlakatimiz taraqqiyotidagi ahamiyati hamda yoshlar uchun yaratilayotgan imkoniyatlar haqida talabalarga batafsil ma’lumot berildi.

Muloqot jarayonida yoshlarning jamiyat hayotidagi faol ishtiroki, zamonaviy bilim va kasbiy ko‘nikmalarni egallashi, ma’naviy barkamol va vatanparvar avlod bo‘lib voyaga yetishining muhim jihatlariga alohida e’tibor qaratildi.

Tadbirda institutning Yoshlar bilan ishlash, ma’naviyat va ma’rifat bo‘limi boshlig‘i F.Xojimatov, institut psixologi O.Arziqulov, Ijtimoiy-gumanitar fanlar kafedrasi dotsenti A.Sattorov, shuningdek, fakultetlar dekan o‘rinbosarlari ishtirok etdi.