Rossiya Federatsiyasining yetakchi tibbiyot ilmiy markazlaridan biri — V.A.Almazov nomidagi Milliy tibbiy tadqiqot markazi" vakillari, tibbiyot fanlari nomzodi, dotsent Irina Aleksandrovna Mashchenko hamda tibbiyot fanlari nomzodi, dotsent Mariya Gennadyevna Shatoxina Andijon davlat tibbiyot institutiga keldi.

Mehmonlar institut rektori M.Madazimov bilan uchrashib, ikki muassasa o‘rtasidagi ilmiy, ta’limiy va amaliy hamkorlik istiqbollarini muhokama qildi.

Tadbir davomida rossiyalik olimlar Tibbiy radiologiya kafedrasi faoliyati, o‘quv jarayoni, ilmiy-tadqiqot salohiyati hamda zamonaviy nur tashxisi imkoniyatlari bilan tanishdi.

Shuningdek, klinik ordinatorlar va magistrantlar uchun «MRT: Klinik tahlil qilish» mavzusida ochiq ma’ruza tashkil etildi. Unda MRT diagnostikasining zamonaviy imkoniyatlari, murakkab klinik holatlarni tahlil qilish bo‘yicha ilg‘or tajribalar taqdim etildi va ishtirokchilarning savollariga batafsil javob berildi.