1-oktabr — O‘qituvchi va murabbiylar kuni munosabati bilan Andijon davlat tibbiyot institutida professor-o‘qituvchilar va xodimlar o‘rtasida “Zakovat” intellektual o‘yini tashkil etildi.

Qizg‘in va ko‘tarinki ruhda o‘tgan bellashuvda professor-o‘qituvchilar hamda xodimlardan tarkib topgan 8 ta jamoa ishtirok etdi.

Intellektual o‘yin davomida ishtirokchilarga 5 ta yo‘nalish bo‘yicha bilim, mantiqiy fikrlash va topqirlikni talab etuvchi savollar berildi.

Bellashuv yakunlariga ko‘ra:

1-o‘rin — “Elegant” jamoasi
6 million so‘m pul mukofoti

2-o‘rin — “Smart Team” jamoasi
4 yarim million so‘m pul mukofoti

3-o‘rin — “Omad” jamoasi3 million so‘m pul mukofoti

G‘olib va sovrindor jamoalar munosib taqdirlanib, ularga pul mukofotlari topshirildi.