11-oktabr — Xalqaro qizlar kuni munosabati bilan talaba-qizlar o‘rtasida “Zakovat Quiz” intellektual o‘yini tashkil etildi.

Tadbir avvalida Yoshlar masalalari va ma’naviy-ma’rifiy ishlar bo‘yicha birinchi prorektor G.Xolmatova so‘zga chiqib, barcha talaba-qizlarni bayram bilan samimiy tabrikladi. Shuningdek, yoshlarning intellektual salohiyatini yuksaltirish, ularning bilim olishga bo‘lgan qiziqishini oshirish hamda intellektual o‘yinlarni keng ommalashtirish muhim ahamiyat kasb etishini ta’kidladi.

Intellektual o‘yin “Intellektual loyihalar” koordinatori Sh.Abduraxmonov tomonidan olib borildi.

Musobaqada jami 28 ta jamoa g‘oliblik uchun bellashib, o‘z bilimlari, jamoaviy hamjihatligini namoyon etdi.

MUSOBAQA G‘OLIBLARI:

1-o‘rin — AURORA jamoasi
3 000 000 so‘m mukofot puli va I darajali diplom.

2-o‘rin — VELORA jamoasi 2 000 000 so‘m mukofot puli va II darajali diplom.

3-o‘rin — AVANGARD jamoasi 1 000 000 so‘m mukofot puli va III darajali diplom.