Bugun Andijon davlat tibbiyot instituti rektori Madamin Madazimov Rostok universiteti Urologiya klinikasi direktori, professor Oliver Xakkenberg bilan uchrashib, institut klinikasida kecha amalga oshirilgan murakkab jarrohlik amaliyoti hamda kelgusidagi hamkorlik istiqbollarini muhokama qildi.
Muloqot davomida qovuq saratoni tashxisi qo‘yilgan bemorda bajarilgan radikal sistektomiya amaliyotining borishi va undan keyingi tibbiy kuzatuv masalalariga e’tibor qaratildi.
Shuningdek, xorijiy mutaxassislar bilan hamkorlikni yanada rivojlantirish, zamonaviy urologik jarrohlik usullarini amaliyotga keng joriy etish, mahalliy mutaxassislarning kasbiy malakasini oshirish va tajriba almashish imkoniyatlari yuzasidan fikr almashildi.
