Andijon davlat tibbiyot institutida “Talaba xavfsizligi” oyligi doirasida yoshlar o‘rtasida giyohvandlik, tamaki mahsulotlarini iste’mol qilish va boshqa zararli odatlarning oldini olishga qaratilgan “Giyohvandlik — asr vabosi” mavzusida davra suhbati tashkil etildi.

Unda Andijon viloyati jinoyat qidiruv boshqarmasi tezkor xodimi, kapitan M.Akbarov, institutning Yoshlar masalalari, ma’naviyat va ma’rifat bo‘limi boshlig‘i F.Xojimatov, institut Profilaktika katta inspektori J.Xo‘jayev, Davolash fakulteti mas’ullari va talabalari ishtirok etdi.

Davra suhbatida giyohvandlikning inson salomatligi, ruhiy holati va jamiyat hayotiga salbiy ta’siri, uning ayanchli oqibatlari va yoshlar kelajagiga yetkazadigan zararlari haqida atroflicha fikr yuritildi.

Shuningdek, chekish va tamaki mahsulotlarini iste’mol qilishning inson salomatligiga zarari, sog‘lom turmush tarziga rioya etish, zararli odatlardan yiroq bo‘lish vda bo‘sh vaqtni mazmunli tashkil etish masalalariga e’tibor qaratildi.