Payshanba — Yoshlar kuni doirasida “Yoshlar o‘rtasida ekologik madaniyatni shakllantirish kuni” munosabati bilan viloyat Eko parkida keng qamrovli ekologik tadbirlar tashkil etildi.

Tadbir davomida rahbarlar va yoshlar birgalikda mevali hamda manzarali daraxt ko‘chatlarini ekib, tabiatni asrash va yashil hududlarni kengaytirishga o‘z hissalarini qo‘shdilar. Xususan, Andijon viloyat Yoshlar ishlari agentligi rahbari A.Tangirqulov boshchiligida gul ko‘chatlari ekilib, hududda obodonlashtirish ishlari ham amalga oshirildi.

Shuningdek, yoshlar ishtirokida “plogging” eko-marafoni tashkil etilib, unda viloyat Eko parki hududidagi plastik va qog‘oz chiqindilar ommaviy tarzda yig‘ib tozalandi. Ushbu tashabbus atrof-muhitni muhofaza qilish, ekologik ong va mas’uliyatni oshirishda muhim ahamiyat kasb etdi.