Toshkent viloyati Bo‘stonliq tumanidagi “Yoshlar oromgohi”da Yoshlar ishlari agentligi hamda O‘zbekiston Respublikasi Volontyorlar assotsiatsiyasi hamkorligida tashkil etilgan “Eko avlod” volontyorlar o‘quv-seminarining IV mavsumi yuqori kayfiyat va katta taassurotlar bilan bo‘lib o‘tdi.

Mazkur seminar davomida respublikamizning turli hududlaridan tashrif buyurgan faol volontyorlar, koordinatorlar va mentorlar bir maydonda jam bo‘lib, volontyorlik faoliyati, liderlik, jamoaviy ishlash va ijtimoiy loyihalar bo‘yicha tashkil etilgan trening hamda tadbirlarda faol ishtirok etdilar. 

Jumladan, Andijon davlat tibbiyot instituti Davolash fakulteti talabasi Solijonov Azizbek ham loyiha davomida o‘zining faolligi, tashabbuskorligi va jamoaviy ishlardagi ishtiroki bilan ajralib turdi.

Taqdirlash marosimida loyiha davomida faol qatnashgan yoshlar sertifikat va esdalik sovg‘alari bilan taqdirlandi. Bu esa har bir ishtirokchining mehnati, intilishi va fidoyiligiga bildirilgan yuksak e’tibor namunasi bo‘ldi. 

Tadbirda Shirin Abidova ham ishtirok etib, yosh volontyorlarga samimiy tilaklari va motivatsion fikrlari bilan ularga ilhom bag‘ishladi.

Shuningdek, Solijonov Azizbek loyiha davomida ko‘rsatgan faolligi uchun sertifikat hamda mentorlik ishonch yorlig‘i bilan taqdirlandi.