"Dolzarb 90 kun" doirasida Bugun Yangi Andijon massivi, “Bobur” shahri hududida tabiatga mehr, yurtga sadoqat va jamoaviy birdamlikni mujassam etgan “Plogging–hashar” ekologik aksiyasi ko‘tarinki ruhda bo‘lib o‘tdi.

Aksiya davomida viloyat volontyorlari, Yoshlar ittifoqining faol a’zolari hamda turli ta’lim muassasalarining tashabbuskor yoshlari bir maqsad yo‘lida jam bo‘lishdi — ona tabiatni asrash, atrof-muhit musaffoligini ta’minlash va ekologik madaniyatni yanada yuksaltirish.

Quvonarlisi, ushbu ezgu tashabbusda Andijon davlat tibbiyot instituti volontyor talabalari ham faol ishtirok etib, o‘zlarining fuqarolik mas’uliyati, ekologik ong va tashabbuskorlik namunalarini namoyon etdilar. Ular nafaqat hududlarni obodonlashtirishga, balki yoshlar orasida tabiatga ehtiyotkor munosabatni targ‘ib etishga ham munosib hissa qo‘shdilar.

Yashil makon, pokiza muhit va sog‘lom kelajak sari tashlangan har bir qadam — ertangi kunimiz uchun muhim sarmoyadir!