Erasmus+ Capacity building loyihasi doirasida Respublikamizning bir qator tibbiyot va mashinasozlik oliy ta’lim muassasalari hamda UNIVAQ group tashkiloti bilan Zoom orqali uchrashuv bo‘lib o‘tdi. Unda Andijon davlat tibbiyot institutining mutaxassislari ham ishtirok etdi.
Uchrashuv davomida mazkur oliy ta’lim muassasalarida Biotibbiyot texniklari tayyorlov o‘quv fakultetlarini tashkil etish borasida takliflar bildirildi. Bu loyiha joriy yilning so‘nggiga qadar mutaxassislar tomonidan o‘rganib chiqiladigan va tasdiqdan o‘tgan holda ERASMUS tashkiloti tomonidan grant ajratiladigan bo‘ldi. Shuningdek, loyiha doirasida institutimizdagi yetakchi soha vakillari Gretsiyaning Afina shahrida tashkillanadigan trening kurslarida qatnashish imkoniyatiga ega bo‘ladilar.
Tibbiyot sohasi rivoji uchun ilgari surilgan ushbu loyiha hamkor tashkilotlarning mutaxassislarini yanada boy tajribaga ega bo‘lishlari uchun, ayniqsa, sohada malakali kadrlarni yetishtirishda ulkan poydevor bo‘la oladi.