alexa
Welcome to Andijon davlat tibbiyot instituti   Click to listen highlighted text! Welcome to Andijon davlat tibbiyot instituti
(0-374) 223-94-60
Andijon sh. Yu.Otabekov 1-uy

Ordinatura

KLINIK ORDINATURA

Klinik ordinatura (rezidentura) – diplomdan keyingi talim tizimi bilan bog‘liq bo‘lgan talim, shifokorlarning uzluksiz kasbiy talim tizimining tarkibiy qismidir.

Klinik ordinatura o‘z faoliyatini O‘zbekiston Respublikasining “Ta’lim to‘g‘risida”gi qonuniga, O‘zbekiston Respublikasi sog‘liqni saqlash vazirligining 2009 yil 18 dekabrdagi “Klinik ordinatura to‘g‘risidagi nizom”g,  O‘zbekiston Respublikasi sog‘liqni saqlash vazirligi Tibbiy ta’lim rivojlantirish markazi tomonidan 2018 yil 18 dekabrda  ishlab chiqilgan “Klinik ordinaturada ta’limni tashkil etish bo‘yicha me’yoriy xujjatlar”ga, O‘zbekiston Respublikasi  Prezidentining  2018 yil 7 dekabrdagi PF-5590 sonli “O‘zbekiston Respublikasi sog‘liqni saqlash tizimini tubdan takomillashtirish bo‘yicha kompleks chora-tadbirlar to‘g‘risida”gi Farmoniga,  2019 yil 6 maydagi PQ-4310 sonli “Tibbiyot va farmasevtika ta’limi va ilm-fani tizimini yanada rivojlantirish chora –tadbirlari to‘g‘risida”gi va 2020 yil 7 apreldagi PQ-4666 sonli “Tibbiy-sanitariya sohasida kadrlarni tayyorlash va uzluksiz kasbiy rivojantirishning mutlaqo yangi tizimini joriy etish chora-tadbirlari to‘g‘risida”gi qarorlariga,  2018 yil 7 dekabrdagi PF-5590-son “O‘zbekiston Respublikasi sog‘liqni saqlash tizimini tubdan takomillashtirish bo‘yicha kompleks chora-tadbirlari to‘g‘risida”gt farmoniga asoslanib olib boradi.

Andijon davlat tibbiyot instituti qoshida klinik ordinatura ta’lim yo‘nalishlari 1965 yildan faoliyat ko‘rsata boshladi. Kariyb 10 yil davomida, 1975 yilgacha klinik ordinaturada atigi 19 nafar klinik ordinatorlar taxsil olganlar. Dastlab klinik ordinaturada o‘qish 7ta yo‘nalish bo‘yicha olib borilgan: Akusherlik va ginekologiya, Ichki kasalliklar, Xirurgiya, Ko‘z kasalliklari, Psixiatriya, Bolalar kasalliklari,  Quloq, tomoq, burun  kasalliklari. Bu yo‘nalishlarda klinik ordinatorlarga professorlar  Ibadov I.Yu., Xalmatov A.X., Dustmuradov M.D., Boltabaev A.B., Fatxullaev I.F., Muxitdinova T.K.,  Salaxutdinov X.N., Alimov A.I., dotsentlar Chukanina N.N., Adinsova S.A., Ergashev M.A., Tursunova R.S. va boshqalar ta’lim berganlar.1975-1984 yillar davomida Andijon davlat tibbiyot instituti qoshida taxsil olgan klinik ordinatorlar soni 208 nafarga, 1985-1994 yillarda – 709 nafargacha ko‘paydi, 2005-2014 yillar mobaynida esa – 1385 nafarni tashkil etdi.

Xozirgi kunda ADTI klinik ordinaturasida quyidagi mutaxassisliklar mavjud:

1 Akusherlik va ginekologiya;

2 Allergologiya va klinik immunologiya;

3 Anesteziologiya va reanimatologiya;

4 Bolalar anesteziologiyasi va reanimatologiyasi;

5 Bolalar va o‘smir qizlar ginekologiyasi;

6 Bolalar jarroxligi;

7  Bolalar nevrologiyasi;

8  Bolalar nefrologiyasi gemodializ bilan;

9  Bolalar yuqumli kasalliklari;

10  Gematologiya va transfuziologiya;

11 Dermatovenerologiya;

12  Ichki kasalliklar;

13 Kardiologiya;

14 Laboratoriya ishi;

15 Neonatologiya;

16  Nevrologiya;

17  Nefrologiya gemodializ bilan;

18  Otorinolaringologiya;

19  Oftalmologiya;

20  Pediatriya

21  Psixiatriya va narkologiya;

22  Tibbiy radiologiya;

23 Travmatologiya va ortopediya;

24  Urologiya;

25  Ftiziatriya;

26  Xirurgiya;

27  Shoshilinch tibbiy yordam;

28 Endokrinologiya;

29 Yuqumli kasalliklar;

30  Stomatologiya yo‘nalishlari

 

Xozirda Andijon davlat tibbiyot instituti nufuzli professor-o‘qituvchilari    o‘z bilim va tajribalarini klinik ordinatorlarga o‘rgatib kelmoqdalar. Bulardan professorlar Madazimov M.M., Xudoyberdiev Q.T., Xodjimatov G‘.M., Qosimov Q.Q., Salaxitdinov Z.S., Muxitdinova T.K., Ikramov A.F., Musashayxov X.T. Djumabaev E.S.,  Uzbekova N.R., Asrankulova D.B., Pakirdinov A.B., Agranovskiy M.L., Mamarasulova D.Z., dotsentlar Negmatshaeva X.N., Yuldasheva A.S., Nosirova F.J., Mirzakarimov B.X., Mamataliev A.R., Turaeva G.Yu., Axmedova N.,  Yuldashev R.N., Rustamov U.M., Abduqodirov U.T., Usmonova U.I., , Kasimova N.J., Xamidov F.Sh., Mamatxujaeva G.N., Abdukodirova D.T.,  Inakova B.B, Nuritdinova G.T., Mirzakarimova D.B.,  Ganieva M.Sh., Sodikova D.I. va boshqalar.

Andijon davlat tibbiyot institutida klinik ordinaturaga oid ta’lim programmalarini kengaytirish borasida doimiy izlanishlar olib borilmoqda. Xususan,  2021 yil 12 avgustda Andijon davlat tibbiyot instituti va Rossiya Federatsiyasi  Privolje tadqiqot tibbiyot universiteti o‘rtasida Yuz-jag‘ xirurgiyasi va Xirurgik stomatologiya yo‘nalishlarida klinik ordinatura qo‘shma ta’lim dasturi  imzolandi va ushbu dastur asosida xozirda 4 nafar klinik ordinatorlar taxsil olmoqdalar.

 

 

O‘zbekiston Respublikasi prezidenti SH. M. Mirziyoevning tashabbuslari bilan uyushtirilgan Andijon viloyati axolisiga tibbiy ko‘rikni tashkil etish bo‘yicha tadbirda Andijon davlat tibbiyot instituti professor-o‘qituvchilari bilan bir qatorda ADTI birinchi va ikkinchi bosqich klinik ordinatorlari ham faol ishtirok etdilar.

Andijon viloyatining turli tumanlarida, xususan, Marxamat tumani, Asaka tumani, Andijon tumani va Andijon shahrining oilaviy poliklinika hududidagi aholiga sog‘lom turmush tarzini targ‘ibot etish, turli kasalliklarni oldini olish, tibbiy ko‘rikdan o‘tkazish, parvarishga muhtoj bo‘lgan fuqarolardan habar olish kabi savobli ishlarda o‘z hissalarini qo‘shdilar.

Skip to content aasaaasaasas Click to listen highlighted text!