Xalqimiz salomatligiga kamarbasta boʻlayotgan Andijon davlat tibbiyot institutining malakali professor-oʻqituvchilari tomonidan “Kengash” MFYda joylashgan Xrabek toʻyxonasida chuqurlashtirilgan tibbiy koʻrik oʻtkazildi. Mazkur tadbirda institutning 15 turdagi mutaxassisliklardan iborat 24 nafar xodimlar ishtirok etib, 3-4-guruhlarga kiritilgan 628 nafar aholining salomatligi tekshirildi.
Koʻruvlar davomida 274 ta bemor ambulator sharoitda davolanishga, 12 nafar bemor tuman markaziy shifoxonasiga, 1 nafar bemor viloyat davolash muassasalariga yoʻllanmalar asosida yuborildi. 59 nafar bemorlarga bepul dori-darmonlar berildi. Qolgan bemorlarga kerakli maslahat va tibbiy xizmatlar koʻrsatildi. Tibbiy tekshiruvlarda 211 ta UTT, 192 ta EKG va 205 ta laborator tekshiruvlari oʻtkazildi.
