Andijonda tarixda ilk marta buyrakni ko‘chirib o‘tqazish operatsiyasi o‘tkazildi. Mazkur operatsiyaga Akademik V.Vohidov nomli respublika xirrurgiya ilmiy markazining qon-tomir jarroxligi va buyrak transplantatsiyasi bo‘limi rahbari, t.f.d. professor F.Bahriddinovich bosh bo‘ldi. Operatsiyada doktorlar brigadasi qatorida Andijon davlat tibbiyot institutining umumiy jarrohlik kafedrasi dotsenti B.X.Matkarimov hamda bir qator yetakchi mutaxassislar ham ishtirok etdi. O‘z ukasining buyragini qabul qilgan akaning salomatligi hozirgi vaqtda qoniqarli.
Bugun ilmiy kengashlar zalida Umumiy jarrohlik kafedrasi tomonidan “Yuqori texnologik jarrohlik amaliyotlarida dolzarb masalalar” mavzusida ma’ruzalar o‘tkazildi. Ma’ruzalarni Z.Matkarimov hamda B.Matkarimovlar olib bordi. Unda ma’ruzachilar talabalarga buyrak ko‘chirish operatsiyasi (trasnplantologiya) amalga oshirilishi, kasallikning qaysi darajasida buyrak ko‘chirib o‘tkazish amaliyoti bajarilishi, buyrak yetishmovchiligining rivojlanganlik darajasi, surunkali buyrak yetishmovchiligining terminal bosqichi kabi mavzularda ma’lumot berdilar.
