Andijon davlat tibbiyot instituti Turkiyaning “Alfa Omega Med” tashkiloti bilan hamkorlik aloqasini oʻrnatdi. Uchrashuv chogʻida institut rektori M.Madazimov hamda tashkilotning Toshkentdagi rasmiy vakili Nara Karagench oʻrtasida kelajakdagi istiqbolli rejalar muxokama qilindi. Hamkorlik doirasida yurak, jigar, buyrak transplantatsiyasi sohalarida mutaxassislar almashinuvini yoʻlga qoʻyish, ularni malaka oshirish, stajirovka oʻtashlari uchun imkoniyatlar yaratish, master-klass va treninglarni bosqichma-bosqich oʻtkazilishi rejalashtirildi. Uchrashuv yakunida mazkur hamkorlik memorandumi ham imzolandi.
