Andijon davlat tibbiyot institutida “Biz yoshlar tazyiq va zo’ravonlikka qarshimiz” mavzusida davra suhbati bo’lib o’tdi. Unda Xotin-qizlar masalalari boʻyicha rektor maslahatchisi, Xotin-qizlar maslahat kengashi raisi G.Xolmatova, Rektor maslahatchisi X.Zokirov, Stomatologiya fakulteti dekan oʻrinbosari X.Mahmudov, Profilaktika inspektori J.Xoʻjayev, fakultet tyutorlari hamda talabalar ishtirok etdi.
Shuningdek, tadbirga mehmon sifatida Andijon shahar Adliya bo’limidan S.Qoraboyeva va A.Egamnazarov hamda Viloyat IIB Xotin-qizlar masalalari boʻyicha katta inspektor, podpolkovnik Z.Xolmatova taklif qilindi.
Dastlab, institut Xotin-qizlar kengashi raisi G.Xolmatova soʻzga chiqib, Xotin-qizlarni tazyiq va zoʻravonlikdan himoya qilish boʻyicha respublikamizda, xususan institutimizda olib borilayotgan ishlar boʻyicha maʼlumotlar berib oʻtdi. Qolaversa, bugungi kunda barchani tashvishga solayotgan muammolar boʻyicha toʻxtalib, hozirgi kunda dunyo miqyosida shaxs hayoti va sogʻligiga qarshi jinoyatlarning deyarli 40%, har 4 qotillikni bittasi, qasddan badanga shikast yetkazish, har beshtadan bittasi koʻproq oila sohasida sodir etilayotganligini aytib, Oʻzbekiston Respublikasining 28-moddasida “Hech kim tazyiq, zoʻravonlikka duchor etilishi mumkin emas” deb koʻrsatilgan ekalnligini alohida taʼkidladi. Yuqoridagi kabi holatlardan yoshlarimizni turli mafkuraviy gʻoyalar taʼsiriga tushib qolmasliklari uchun maʼnaviyat va tarbiyani yanada yuksaltirish zarurligini aytib oʻtdi.
Shundan so’ng, Viloyat IIB Xotin-qizlar masalalari boʻyicha katta inspektori, podpolkovnik Z.Xolmatova soʻzga chiqib, milliy mentalitetimizga xos yoʻnalishlar, ayolning oiladagi oʻrni va vazifalari toʻgʻrisida alohida toʻxtalib oʻtdi. Shuningdek, xotin-qizlar zo’ravonlik va tazyiqqa uchraganda, zo’ravonlik hamda tazyiq o’tkazgan shaxslarni qonun oldida javob berishlari muqarrarligi, himoya orderi berish tartibi haqida ma’lumot berdi.
Tadbir yakunida, Stomatologiya fakulteti tomonidan “Biz yoshlar tazyiq va zoʻravonlikka qarshimiz” mavzusida oʻtkazilgan videoroliklar hamda rasmlar tanlovida gʻolib boʻlgan talabalar institut rahbariyati tomonidan tashakkurnomalar bilan taqdirlandi.
