Xabaringiz bor, Oliy taʼlim, fan va innovatsiyalar vazirligi tomonidan oliy taʼlim muassasalari talaba-yoshlari o‘rtasida maʼnaviy-maʼrifiy va tarbiyaviy ishlar samaradorligini oshirish, kitobxonlik va mutolaa madaniyatini keng targ‘ib etish, kitobga bo‘lgan qiziqishini yana-da oshirish, targ‘ibot-tashviqot ishlarini samarali va tizimli tashkil etish va rag‘batlantirish maqsadida “Kitobxon talaba” respublika ko‘rik-tanlovi eʼlon qilingan edi.
Bugun, 10-aprel kuni institut Axborot resurs markazida ushbu tanlovning institut bosqichi bo‘lib o‘tdi. Unda tanlovning fakultetlararo bosqichida g‘oliblikni qo‘lga kiritgan talabalar institut bosqichida o‘zlari mutolaa qilgan badiiy adabiyotlar yuzasidan berilgan va mantiqiy savollarga javob berdilar. Qatnashchilarning bergan javoblari Hakamlar hayʼati aʼzolari tomonidan Nizomga muvofiq baholandi.
Yakunda Stomatologiya fakulteti 3-bosqich talabasi Abdurashid Karimberdiyev g‘oliblikni qo‘lga kiritdi va keyingi bosqichga yo‘llanma oldi.
