Qadrli san’at ixlosmandlari, sizlar uchun ajoyib yangiligimiz bor.
Andijon davlat tibbiyot instituti 2-o‘quv binosining 2-3-qavatlarida mashhur rassom Jo‘ra Asranning rasmlar ko‘rgazmasi bo‘lib o‘tadi. Siz ushbu ko‘rgazmadan har kuni soat 8:00 dan 16:00 gacha bahramand bo‘lishingiz mumkin.
Ko‘rgazma joriy yilning 12-may kunidan 19-may sanasiga qadar davom etadi.
Ma’lumot uchun, Taniqli rassom, O‘zbekiston badiiy ijodkorlar uyushmasi a’zosi Jo‘ra Asran 1985-yildan buyon respublika hamda xalqaro ko‘rgazmalarda o‘z asarlari bilan qatnashib keladi. 1989-yildan boshlab esa, u respublikamiz va Amerika, Germaniya, Misr kabi davlatlarda shaxsiy ko‘rgazmalarini namoyish etib kelmoqda. Hozirga qadar ijodkor ko‘plab milliy va xalqaro mukofotlar sovrindori bo‘lgan. 2005-yilda rassom ijodiga bag‘ishlangan telefilm suratga olingan.