Yangi yil bayrami – o‘tgan yil sarhisobi va yangi yilga tuziladigan rejalar pallasi.
Andijon davlat tibbiyot instituti talabalari oʻrtasida o‘tkazib kelinayotgan “Zakovat” intellektual oʻyini boʻyicha “Rektor kubogi” turnirining final oʻyini ham ayni bayram arafasida boʻlib oʻtdi.
Oʻyinda 11 ta jamoa ishtirok etdi. Mazkur oʻyin institutning “Zakovat” intellektual klubi koordinatori Shoxjahon Abduraxmonov tomonidan olib borildi. Shiddatli kechgan bahslar yakunida “Dominant Profs” jamoasi mavsum gʻolibligini qoʻlga kiritdi.
Shuningdek, «Dominant» jamoasi 2-oʻrin, «Dofamin» jamoasi 3-oʻrin, «DWP» jamoasi 4-oʻrin va «Legends» jamoasi 5-oʻrinni egalladi.
