ORTOPEDIK STOMATOLOGIYA VA ORTODONTIYA KAFEDRASI

Kafedra mudiri: RUSTAMBEK RAVSHANBEK O‘G‘LI RAIMJONOV
Ish vaqti: 08:00 – 15:30
Mobil Aloqa: +998 90-543-46-94
Email: rrraimjonov@mail.ru

2014 yil 1 oktyabr kuni Toshkent davlat stomatologiya institutining Andijon filiali tarkibida Stomatologiya, jamoat salomatligi va klinik fanlar kafedrasi tashkil etilgan. Kafedra mudiri etib N.X.Po‘latov taynlangan.
2015 yil sentyabr oyida ToshDSI AF mazkur kafedra ikkiga bo‘lindi, Terapevtik va ortopedik stomatologiya, ortodontiya kafedrasi hamda Jarrohlik va bolalar stomatologiyasi kafedrasi tashkil etildi. Terapevtik va ortopedik stomatologiya, ortodontiya kafedrasiga N.X.Po‘latov rahbarlik qildi.
2016 yil sentyabr oyida stomatologiya mutaxassislik kafedralari soni 3 taga yetdi: Terapevtik stomatologiya kafedrasi, Ortopedik stomatologiya va ortodontiya kafedrasi, Jarrohlik va bolalar stomatologiyasi, profilaktika kafedrasi.
2016 yil 1 dekabr kunidan boshlab Andijon davlat tibbiyot instituti tarkibida Terapevtik, ortopedik va bolalar stomatologiyasi kafedrasi tashkil etildi. Kafedra mudiri etib Raimjonov Rustambek Ravshanbek o‘g‘li tayinlandi.
2019 yil 2 oktyabr kuni Andijon davlat tibbiyot instituti Terapevtik, ortopedik va bolalar stomatologiyasi kafedrasi 2 ga bo‘lindi: Fakultet stomatologiya va stomatologik kasalliklar propedevtikasi hamda Gospital va klinik stomatologiya kafedralari tashkil etildi. Gospital va klinik stomatologiya kafedrasi mudiri lavozimiga R.R.Raimjonov taynlandi. Ushbu kafedra tarkibida 3 ta kurs mavjud bo‘lib, bular terapevtik stomatologiya, ortopedik stomatologiya va bolalar stomatologiyasi kurslaridir.
2021 yil sentyabr oyida kafedra tarkibidan bolalar stomatologiyasi kursi ajralib chiqdi va Bolalar stomatologiyasi kafedrasi tashkil etildi.
Bo‘lajak umumiy amaliyot shifokorlarida odam organizmida umumpatologik jarayonlarda va kasalliklarda ro‘y berishi mumkin bo‘lgan turli xil patologoanatomik o‘zgarishlar va kasalliklarni etiologiyasi, patogenezi, morfologik o‘zgarishlari, ularning struktur asoslarini, shuningdek, kliniko-anatomik tahlil uslublarini, xamda yoshga oid o‘zgarishlari haqida bilim, ko‘nikma va malakalarini shakllantirishdir.

2022 yil sentyabr oyida Gospital va klinik stomatologiya kafedrasi 2 ga bo‘lindi. Kafedra bazasida 2 ta alohida yangi kafedralarga asos solindi. Bular Ortopedik stomatologiya va ortodontiya kafedrasi (R.Raimjonov) hamda Tearpevtik stomatologiya (Usmonov B.A.) kafedrasi.
Bugungi kunda Ortopedik stomatologiya va ortodontiya kafedrasi Andijon shahrida joylashgan 3 ta klinik bazada faoliyat ko‘rsatadi. Bular Andijon viloyat stomatologiya poliklinikasi, Andijon viloyat bolalar stomatologiya poliklinikasi va 6-oilaviy poliklinikada joylashgan.
Kafedrada hozirda 18 nafar professor-o‘qituvchilar faoliyat yuritadilar. Kafedrada stomatologiya fakultetining 3-4-5 kurs talabalariga 8 ta mutaxassislik fanlaridan darslar olib boriladi.
Kafedraning professor-o‘qituvchilari biriktirilgan klinik bazalarda bemorlarga diagnostika va davolash yordamini ko‘rsatib kelmoqdalar.
Mazkur kafedra tashkil etilganligiga kisqa vaqt bo‘lganligiga qaramasdan, kafedra o‘zining yetarlicha tarix yo‘liga ega. Kafedra ADTI stomatologiya fakulteti tarkibidagi mutaxassislik kafedralarining dastlab tashkil etilgani bo‘lib hisoblanadi.
Kafedra tashkil etilganiga ko‘p vaqt bo‘lmaganligiga qaramasdan bugungi kunda 400 dan ortiq ilmiy maqola va tezislar, 10 dan ortiq o‘quv-uslubiy qo‘llanmalar, 6 ta ixtiro, o‘nlab ratsionalizatorlik takliflari va amaliyotga tadbiq qilingan ishlar yaratilgan.
Bugungi kunda kafedrada 1 nafar tayanch doktorant va 3 nafar mustaqil izlanuvchi faoliyat olib bormoqda.