Ulug’ ustozimiz Toshkent davlat stomatologiya instituti “Tibbiy biologia va gistologiya” kafedrasi professori, tibbiyot fanlari doktori Akram Yuldashevich Yuldashev 2020-yil 26-yanvar kuni 75 yoshida olamdan o’tdi.
Ustozning ilm-fanga qo’shgan hissasi institutimiz rektori M.M. Madazimov tomonidan yuksak baholanib, 2019-yilda ustozga “Faxriy professor” unvoni berilgan edi.
Ustoz ilmiy rahbarligi ostida “Anatomiya va klinik anatomiya” kafedrasida ko’plab ilmiy ishlar amalga oshirilgan edi. Jumladan, “Noqulay sharoit omillarining bolalar organizmiga ta`sirini davolash va profilaktikalash uchun IRID-mahalliy probiotiki asosida sut maxsulotlarini ishlab chiqarish” nomli megaloyihasi asosida 3 ta PhD va 1 ta magistrlik dissertatsiyasi tayyorlanayotgan edi.
Ustozning barcha shogirdlari nomidan Andijon davlat tibbiyot instituti ma’muriyati, Anatomiya va klinik anatomiya kafedrasi mudiri Z. Kaharov ustozning oila a`zolari va Stomatologiya instituti jamoasiga chuqur hamdardlik bildiradi.
Ustoz qalbimizda mangu yashaydi.