Barchamiz birdek orziqib kutadigan mo‘’jizaviy va sevimli bayram Yangi yilga ham sanoqli kunlar qoldi. Shu kunlarda yurtimizda bayram shukuhi, bayram taraddudi o‘zgacha. Hamyurtlarimiz allaqachon bayram kayfiyatida, shahrimiz ko‘chalari, xiyobonlar, muassasa,tashkilot va korxonalar hududlari bayramona bezatilgan.
Yangi yil bayrami munosabati bilan Andijon davlat tibbiyot instituti hududi, o‘quv binolari va talabalar turar joyi ham institut texnik foydalanish va xo‘jalik bo‘limi va barcha xodimlar tomonidan bayramona kayfiyatda yuksak did va mahorat bilan bezatildi.
Institut hovlisiga o‘rnatilgan ulkan archa, ko‘zni quvontiruvchi rang-barang chiroqlaru, turli bezaklar va ertaknamo chizilgan suratlar har bir kishida bayram kayfiyatini uyg‘otadi. Dilingizda yangi orzular, yangi tilaklar, xushkayfiyat, quvonchu shodlik, shu osoyishta, tinch va farovon hayotimizga shukronalik tuyg‘ulari jo‘sh uradi.
Aziz yurtdoshlar, qadrli professor-o‘qituvchilar va talabalar! Kirib kelayotgan 2019- yil – Yangi yil bayramingiz muborak bo‘lsin! Yangi yil yangi omad va yangi muvaffaqiyatlar yili bo‘lsin!
