Futbol yigitlarning sevimli oʼyini va mashgʼuloti. Аndijon davlat tibbiyot institutining futbol arenasida “Sanoat”, “Namuna”, “Qoʼshariq” mahalla fuqarolar yigʼinlarining uyushmagan yoshlari oʼrtasida futbol sport turi boʼyicha oʼrtoqlik uchrashuvi boʼlib oʼtdi. Har uch mahalla yoshlari murosasiz kechgan baxsda abjirlik bilan toʼp surdilar. Biroq ketma-ket gollar yogʼdirgan 4:2, 2:1 hisobida “Namuna” va “Qoʼshariq” jamoasidan ustun kelgan “Sanoat” jamoasi gʼoliblikni qoʼlga kiritdi.