YUNESKO tomonidan "O‘z hissangizni qo‘shing: yoshlar media va axborot savodxonligi kelajagini loyihalashtirmoqda" mavzusidagi Yoshlar xakatoni – 2026 xalqaro tanlovi e'lon qilindi.

Tanlovning asosiy maqsadi yoshlarni media va axborot savodxonligi, sun'iy intellekt, raqamli xavfsizlik hamda noto‘g‘ri ma'lumotlarga qarshi kurashish yo‘nalishlarida innovatsion va amaliy yechimlar ishlab chiqishga jalb etishdan iborat.

Kimlar ishtirok etishi mumkin?

• 18–30 yoshdagi yoshlar;
• 2 nafardan 6 nafargacha a'zodan iborat milliy yoki xalqaro jamoalar;
• Jamoalarni shakllantirishda gender muvozanati va inklyuzivlik tamoyillariga amal qilish tavsiya etiladi.

G‘oliblarni nima kutmoqda?

Tanlov g‘oliblari o‘z loyihalarini 2026-yil 26–28- noyabr kunlari Gretsiyaning Saloniki shahrida bo‘lib o‘tadigan "Ovozlar: Yevropa jurnalistikasi va OAV erkinligi" xalqaro festivalida taqdim etish imkoniyatiga ega bo‘ladi.

🔗Tanlov haqida batafsil ma'lumot:
https://www.unesco.org/en/articles/unesco-youth-hackathon-2026

Tanlov materiallarini 2026-yil 16-avgust kuniga qadar quyidagi havola orqali elektron shaklda topshirish mumkin:

https://tally.so/r/MePkYk

Innovatsion g‘oyalaringizni xalqaro maydonda namoyish etish imkoniyatini qo‘ldan boy bermang!