“Dolzarb 90 kun” tadbirlari doirasida Andijon davlat tibbiyot instituti Davolash fakulteti talabalari o‘rtasida “Yosh kitobxon” kitob o‘qish chellenji mavzusida davra suhbati tashkil etildi.

Tadbirning asosiy maqsadi talabalar o‘rtasida kitobxonlik madaniyatini yanada rivojlantirish, ularning mutolaaga bo‘lgan qiziqishini oshirish, bo‘sh vaqtlarini mazmunli tashkil etish hamda ma’naviy-ma’rifiy dunyoqarashini kengaytirishdan iborat bo‘ldi.

Davra suhbati davomida kitob mutolaasining inson kamoloti va kasbiy faoliyatdagi ahamiyati, yoshlarning intellektual salohiyatini yuksaltirishda kitobning o‘rni haqida fikr-mulohazalar bildirildi. Talabalar o‘zlari sevib o‘qigan asarlar, ulardan olgan taassurotlari va xulosalari bilan o‘rtoqlashdi.

Shuningdek, Axborot-resurs markazi tomonidan yangi kelib tushgan badiiy, ilmiy-ommabop va tibbiyot sohasiga oid adabiyotlar ko‘rgazmasi tashkil etildi. Ko‘rgazmada namoyish etilgan kitoblar talabalarda katta qiziqish uyg‘otdi va ularga yangi bilim hamda ma’lumotlar manbai sifatida tavsiya etildi.