Andijonda milliy madaniyatimiz va xalqimiz birdamligini namoyon etgan ulkan voqea sodir bo‘ldi. Bir vaqtning o‘zida 20 ming nafar ishtirokchi afsonaviy “Andijon polkasi” raqsini ijro etib, yangi rekord o‘rnatdi.

Natijada ushbu ommaviy raqs ijrosi Ginnesning rekordlar kitobiga kiritilib, Andijon va butun O‘zbekiston uchun faxrli tarixiy sahifaga aylandi.

Mazkur nufuzli rekordning qayd etilishida Andijon davlat tibbiyot instituti jamoasi ham faol qatnashdi. Institut rektori Madamin Madazimov boshchiligida professor-o‘qituvchilar, talabalar va xodimlar ushbu tarixiy tadbirda munosib ishtirok etib, yurtimizning madaniy yutug‘iga o‘z hissalarini qo‘shdi.