Andijon davlat tibbiyot instituti Korrupsiyaga qarshi kurashish va komplayens nazorat tizimini boshqarish bo‘limi boshlig‘i I. Aliboyev tomonidan institutda o‘qishga qabul qilish, kirish va yakuniy imtihonlarni shaffof hamda adolatli tashkil etish, talabalar o‘qishini ko‘chirish jarayonlarida qonunchilik talablariga qat’iy rioya etish, korrupsion holatlarning oldini olish masalalariga bag‘ishlangan yig‘ilish o‘tkazildi.

Yig‘ilishda Registrator ofisi rahbari, magistratura bo‘limi boshlig‘i, Xorijlik talabalar birlash ishlash fakulteti dekani hamda ushbu yo‘nalishlarga mas’ul rahbar va xodimlar ishtirok etdi.

Tadbir davomida ta’lim jarayonlarida ochiqlik va shaffoflikni ta’minlash, murojaatlar bilan ishlash tartibi, imtihon jarayonlarini belgilangan me’yoriy hujjatlar asosida tashkil etish, o‘qishni ko‘chirish va qabul jarayonlarida korrupsiyaviy xavf-xatarlarni bartaraf etish bo‘yicha amalga oshirilishi lozim bo‘lgan vazifalar muhokama qilindi.

Shuningdek, mas’ul xodimlarga xizmat vazifalarini vijdonan bajarish, fuqarolar va talabalar bilan muloqotda odob-axloq me’yorlariga amal qilish, har qanday noqonuniy holatlarga yo‘l qo‘ymaslik yuzasidan tegishli tavsiya va ko‘rsatmalar berildi. Yig‘ilish yakunida belgilangan vazifalarni o‘z vaqtida va sifatli amalga oshirish bo‘yicha mas’ullarga tegishli topshiriqlar yuklatildi.