27-iyun – Matbuot va ommaviy axborot vositalari xodimlari kuni munosabati bilan Andijon davlat tibbiyot instituti rektori M.Madazimov institut Matbuot xizmati jamoasi bilan uchrashib, ularni kasb bayrami bilan samimiy muborakbod etdi.

Unda rektor ommaviy axborot vositalari vakillarining jamiyat hayotidagi o‘rni, institut faoliyatini keng jamoatchilikka xolis va tezkor yetkazish, ta'lim, ilm-fan hamda ma'naviy-ma'rifiy yo‘nalishlarda amalga oshirilayotgan islohotlarni yoritishdagi xizmatlarini alohida e'tirof etdi.

Shuningdek, Matbuot xizmati xodimlarining fidokorona mehnati, kasbiy mahorati va institut nufuzini oshirish yo‘lidagi samarali faoliyati yuqori baholanib, ularga tashakkurnomalar hamda pul mukofotlari tantanali ravishda topshirildi.

Uchrashuv yakunida rektor jamoaga kelgusidagi faoliyatida ulkan muvaffaqiyatlar, ijodiy yutuqlar, mustahkam sog‘lik va yangi zafarlar tiladi.