Xabaringiz bor, joriy yilning 9-iyul kuni O‘zbekiston Respublikasi Prezidenti Shavkat Mirziyoyevning Belarus Respublikasiga amalga oshirgan rasmiy tashrifi doirasida ikki davlat o‘rtasidagi hamkorlikni yanada rivojlantirishga qaratilgan qator muzokaralar o‘tkazildi hamda muhim kelishuvlarga erishildi.

Mazkur tashrif yakunlari va yaratilayotgan yangi imkoniyatlar doirasida bugun Andijon davlat tibbiyot instituti rektori M.Madazimov Belarus Respublikasida faoliyat yuritish istagini bildirgan institut bitiruvchilari hamda mas'ullar bilan uchrashuv o'tkazdi.

Muloqot davomida xorijda mehnat faoliyatini olib borish tartiblari, mavjud imkoniyatlar, kasbiy rivojlanish istiqbollari hamda nomzodlarga qo‘yiladigan talablar yuzasidan batafsil fikr almashildi.

Shuningdek, bitiruvchilarni qiziqtirgan savollarga atroflicha javob berilib, ularning xorijda muvaffaqiyatli faoliyat yuritishlari uchun zarur tavsiya va yo‘riqnomalar berildi.