O'zbekiston Respublikasi Prezidentining 2022-yil 7-martdagi PF–87-son hamda 2025-yil 5-maydagi PF–78-son Farmonlari ijrosini ta'minlash maqsadida tashabbuskor, istiqbolli va yuqori salohiyatga ega xotin-qizlarning zamonaviy rahbarlik kompetensiyalarini rivojlantirish, ularni davlat boshqaruvi tizimida samarali faoliyat yuritishga tayyorlash hamda professional salohiyatini yuksaltirishga qaratilgan "Rahbar ayollar" ta'lim dasturi amalga oshirilmoqda.
Mazkur dastur doirasida O'zbekiston Respublikasi Prezidenti huzuridagi Davlat siyosati va boshqaruvi akademiyasida ta'lim dasturining tantanali ochilish marosimi hamda rahbar ayollar bilan ochiq muloqot bo'lib o'tdi. Tadbir davomida mamlakatimizda xotin-qizlarning boshqaruv tizimidagi o'rni, ularning liderlik salohiyatini rivojlantirish, davlat va jamiyat taraqqiyotidagi faolligini oshirish masalalari muhokama qilindi.
Ushbu nufuzli tadbirda Andijon davlat tibbiyot instituti Xotin-qizlar masalalari bo'yicha rektor maslahatchisi Gulhayoxon Xolmatova ham faol ishtirok etdi. Uning ishtiroki institutimizda xotin-qizlarning rahbarlik salohiyatini qo'llab-quvvatlash, ularni har tomonlama rivojlantirish va zamonaviy boshqaruv ko'nikmalarini shakllantirish borasida amalga oshirilayotgan izchil ishlarning amaliy ifodasidir.
