Baliqchi tumani tibbiyot birlashmasiga qarashli Ko‘p tarmoqli markaziy poliklinikaning Chinobod bo‘limida Andijon davlat tibbiyot instituti professor-o‘qituvchilari ishtirokida chuqurlashtirilgan tibbiy ko‘rik tashkil etildi.

Mazkur tadbir Prezidentimiz tashabbusi bilan amalga oshirilayotgan "Dolzarb 90 kun" loyihasi doirasida o‘tkazilib, yoshlar va aholi salomatligini mustahkamlash, kasalliklarni erta aniqlash hamda ularning oldini olishga xizmat qildi.

Tibbiy ko‘rik davomida 16 nafar mutaxassis tomonidan 220 nafar fuqaro malakali mutaxassislar tomonidan ko‘rikdan o‘tkazildi.

Tekshiruvlar natijasiga ko‘ra, 38 nafar fuqaroga UZI tekshiruvi o‘tkazildi, 44 nafar fuqaro EKG tekshiruviga yo‘naltirildi, 28 nafar fuqarodan laborator tahlillar olindi, 2 nafar fuqaroga viloyatdagi ixtisoslashtirilgan tibbiyot muassasasiga yo‘llanma berildi, 8 nafar fuqaro esa Baliqchi tumani tibbiyot birlashmasiga qo‘shimcha davolanish va tekshiruv uchun yo‘naltirildi.

Shuningdek, professor-o‘qituvchilar va shifokorlar tomonidan yoshlar hamda fuqarolarga sog‘lom turmush tarzini shakllantirish, jismoniy faollikni oshirish, to‘g‘ri va muvozanatli ovqatlanish, kasalliklarning oldini olish bo‘yicha foydali tavsiya va tushunchalar berildi.