Andijon davlat tibbiyot instituti faol talabalari "Dolzarb 90 kun" loyihasi doirasida mas'ullar ishtirokida Baliqchi tumani istirohat bog'ida navbatdagi profilaktik targ'ibot tadbirini o'tkazdi.

Tadbir davomida bog'da hordiq chiqarayotgan fuqarolar bilan ochiq muloqotlar tashkil etilib, giyohvandlikning inson salomatligi, kelajagi va jamiyat taraqqiyotiga salbiy ta'siri haqida batafsil tushuntirishlar berildi. Yoshlarni zararli odatlardan yiroq bo'lishga, sog'lom turmush tarzini tanlashga va bo'sh vaqtini mazmunli o'tkazishga chorlovchi tavsiyalar ulashildi.

Shuningdek, tadbir ishtirokchilariga mavzuga oid axborot va tavsiyalarni o'z ichiga olgan targ'ibot flayerlari tarqatildi. Mazkur tashabbus aholining xabardorligini oshirish, ayniqsa yoshlar orasida giyohvandlikka qarshi murosasiz munosabatni shakllantirishga xizmat qilmoqda.