Bugun, 18-avgust kuni Andijon davlat tibbiyot institutida hujjatlar ijrosini elektron shaklda nazorat qilish, ish jarayonlarini yanada samarali tashkil etish hamda “Edo.ijro.uz” elektron tizimidan to‘g‘ri va samarali foydalanish masalalariga bag‘ishlangan amaliy seminar bo‘lib o‘tdi.

Seminarda Andijon shahar “Unicon soft” bo‘lim boshlig‘i Abdug‘ani To‘lanboyev ishtirok etib, tizimning yangi imkoniyatlari, undagi so‘nggi yangilik va o‘zgarishlar, hujjatlarni elektron tarzda ro‘yxatga olish, ijroga yo‘naltirish va nazorat qilish jarayonlari yuzasidan batafsil ma’lumotlar berdi.

Tadbir davomida tizimdan foydalanishda e’tibor qaratilishi lozim bo‘lgan jihatlar, mavjud imkoniyatlardan unumli foydalanish hamda ish jarayonida uchrashi mumkin bo‘lgan ayrim muammolarni bartaraf etish bo‘yicha amaliy tavsiyalar bildirildi.

Shuningdek, seminar ishtirokchilarining “Edo.ijro.uz” tizimi bilan bog‘liq savollariga mutaxassislar tomonidan batafsil va tushunarli javoblar berilib, amaliy misollar asosida tushuntirishlar olib borildi.

Mazkur seminar elektron hujjat aylanishini yanada takomillashtirish, ijro intizomini mustahkamlash va zamonaviy raqamli imkoniyatlardan samarali foydalanish borasida muhim amaliy ahamiyat kasb etdi.