Andijon davlat tibbiyot instituti rektori M.Madazimov institut klinikasining oftalmologiya hamda otorinolaringologiya bo‘limlarida dual ta’lim asosida tahsil olayotgan klinik ordinator va magistrantlar bilan uchrashib, samimiy muloqot o‘tkazdi.

Uchrashuv davomida rektor yosh mutaxassislarning ta’lim olish jarayoni, klinik amaliyoti va ish faoliyati bilan yaqindan tanishdi. Shuningdek, ularning kasbiy ko‘nikmalarini shakllantirish, nazariy bilimlarini amaliyot bilan mustahkamlash borasidagi faoliyatiga e’tibor qaratildi.

Muloqot jarayonida klinik ordinator va magistrantlarning o‘z mutaxassisliklari bo‘yicha olib borayotgan ishlari, amaliy mashg‘ulotlarda ishtiroki, bemorlar bilan ishlash jarayoni hamda zamonaviy tibbiy yondashuvlarni o‘zlashtirish darajasi bilan tanishildi.

Rektor yoshlarning fikr va takliflarini tinglab, ularni qiziqtirgan masalalar yuzasidan suhbatlashdi. Kelgusida ta’lim va amaliyot uyg‘unligini yanada takomillashtirish, klinik bazalardan samarali foydalanish hamda yosh mutaxassislar uchun zarur shart-sharoitlarni yaratish muhimligi ta’kidladi.

Shuningdek, rektor ularning ish jarayonlari, bemorlar ko'ruvi va holatlari bilan yaqindan tanishdi.