Andijon davlat tibbiyot instituti rektori Madamin Madazimov Talabalar turar joyida bo‘lib, yoshlar bilan uchrashdi.

Samimiy suhbat davomida talabalarning bo‘sh vaqtlarini mazmunli tashkil etish, ularning qiziqish va iste’dodlarini qo‘llab-quvvatlash masalalariga alohida e’tibor qaratildi.

Shundan so‘ng rektor turar joyida faoliyat olib borayotgan tikuvchilik va pazandachilik to‘garaklari ish jarayoni bilan tanishdi. Talabalar tomonidan tayyorlanayotgan mahsulotlar va o‘zlashtirilayotgan amaliy ko‘nikmalar bilan qiziqdi.

Shuningdek, bo‘sh vaqtini turli ko‘ngilochar va ijodiy mashg‘ulotlar bilan o‘tkazayotgan yoshlar bilan suhbatlashib, ularning qiziqishlari bilan o‘rtoqlashdi.

Talabalar turar joyida nafaqat yashash, balki o‘rganish, ijod qilish, do‘stlashish va yangi qobiliyatlarni kashf etish uchun ham barcha imkoniyatlar yaratilmoqda.