Andijon davlat tibbiyot instituti Xotin-qizlar bilan ishlash bo'limi tomonidan qizlarning axborot texnologiyalari sohasidagi bilim va ko‘nikmalarini rivojlantirish, ularni zamonaviy kasblarga yo‘naltirish maqsadida “Bir qiz — bir mentor” dasturini doirasida mahorat darsi tashkil etildi.

Mazkur dastur doirasida axborot texnologiyalari sohasida faoliyat yuritayotgan bitiruvchi yoki mutaxassislarni talaba qizlarga mentor sifatida biriktirish, ularning kasbiy rivojlanishiga ko‘maklashish va IT yo‘nalishlariga qiziqishini oshirish ko‘zda tutilgan.

Mahorat darsini institutning Axborot xavfsizligini ta’minlash bo‘limi boshlig‘i F.Abdulhodimov olib bordi.

Tadbirda axborot xavfsizligi, raqamli texnologiyalardan samarali foydalanish, internet makonidagi xavf-xatarlar va ulardan himoyalanish, zamonaviy IT yo‘nalishlarida muvaffaqiyatga erishish uchun zarur bilim va ko‘nikmalar haqida batafsil ma’lumot berildi.