2026-yil 17-sentabrda Andijon davlat tibbiyot institutida ichki ishlar organlari bilan hamkorlikda "Tinchlik qadri" mavzusida ma'naviy-ma'rifiy tadbir o'tkazildi.
Tadbir ishtirokchilari terrorizm, ekstremizm, giyohvandlik va kiberjinoyat kabi tahdidlarning oldini olish, yoshlarda ogohlilikni oshirish hamda shaxsiy ma'lumotlarni himoya qilish masalalari bo'yicha soha mutaxassislari tomonidan ma'lumot oldilar. Andijon davlat tibbiyot institutida Andijon viloyati Ichki ishlar boshqarmasi bilan hamkorlikda yoshlar o‘rtasida huquqiy savodxonlikni oshirish, turli tahdid va xavf-xatarlardan ogohlikni kuchaytirishga qaratilgan ma’naviy-ma’rifiy va targ‘ibot tadbiri o‘tkazildi.
“Tinchlik qadri” mavzusida tashkil etilgan tadbirda Andijon viloyati IIB boshlig‘ining birinchi o‘rinbosari - Tezkor qidiruv xizmati boshlig'i, polkovnik F.Berdiyev, institut rektori M. Madazimov, soha mutaxassislari, professor-o‘qituvchilar hamda talaba-yoshlar ishtirok etdi.
Tadbir davomida bugungi kunda jamiyat xavfsizligiga tahdid solishi mumkin bo‘lgan turli illat va jinoyatlarning oldini olish, ayniqsa, yoshlar orasida hushyorlik va ogohlikni oshirish masalalariga alohida e’tibor qaratildi.
🔹 Mutaxassislar tomonidan terrorizm va ekstremizmning oldini olish, uning jamiyat va inson hayotiga tahdidi, yoshlarni turli yot g‘oyalar ta’siridan asrash hamda tinchlik va osoyishtalikni qadrlashning ahamiyati haqida batafsil ma’lumotlar berildi.
🔹 Shuningdek, giyohvandlik vositalarining noqonuniy muomalasiga qarshi kurashish, giyohvandlikning inson salomatligi, oilasi va jamiyat hayotiga salbiy ta’siri, ushbu illatga qarshi kurashishda yoshlarning mas’uliyati haqida tushuntirishlar olib borildi.
🔹 Bugungi raqamli davrning dolzarb muammolaridan biri bo‘lgan kiberjinoyatlarga qarshi kurashish bo‘yicha ham soha mutaxassislari tomonidan foydali tavsiyalar berildi. Internet va ijtimoiy tarmoqlardan foydalanishda ehtiyotkorlik, shaxsiy ma’lumotlarni himoya qilish, firibgarlik va boshqa kiberxavflardan ogoh bo‘lish yuzasidan zarur tushunchalar yetkazildi.
Tadbir davomida talabalar o‘zlarini qiziqtirgan savollar bilan mutaxassislarga murojaat qilib, tegishli javob va tavsiyalar oldi.
