Andijon davlat tibbiyot instituti rektori Respublika shoshilinch tibbiy yordam markazining Andijon viloyat filialida bo‘lib, mazkur muassasada tashkil etilgan dual ta’lim jarayonlari bilan yaqindan tanishdi.

Unda neyroxirurgiya, travmatologiya va bolalar travmatologiyasi bo‘limlaridagi o‘quv-amaliy jarayonlar ko‘zdan kechirildi.

Talabalar bilan suhbat davomida ularning amaliyot jarayonlari, kasbiy ko‘nikmalarni egallashi va klinik muhitda bilimlarini mustahkamlashi bilan bog‘liq masalalar muhokama qilindi.

Shuningdek, talabalar shifokorlar bilan birgalikda bemorlar ko‘ruvida ishtirok etib, o‘zlarining nazariy bilimlarini amaliyotda qo‘llash imkoniyatiga ega bo‘ldilar.