Andijon davlat tibbiyot institutida 9-aprel — sohibqiron Amir Temur tavalludining 690 yilligi munosabati bilan ma’naviy-ma’rifiy davra suhbati tashkil etildi.
Tadbirda Yoshlar masalalari va ma’naviy-ma’rifiy ishlar bo‘yicha birinchi prorektor S.Salohiddinov, Ijtimoiy va gumanitar fanlar kafedrasi katta o‘qituvchisi N.Nurmatova hamda talaba yoshlar ishtirok etdi.
Uchrashuv davomida buyuk sarkarda Amir Temurning hayoti va faoliyati, uning davlat boshqaruvidagi yuksak salohiyati, “Temur tuzuklari” asarining mazmun-mohiyati hamda ulug‘ ajdodimiz qoldirgan boy ma’naviy merosi haqida atroflicha fikr yuritildi.
Shuningdek, Amir Temurning hayoti va ibratli hikmatli so‘zlariga asoslangan videorolik namoyish etilib, tadbir ishtirokchilarida katta taassurot qoldirdi.
Davra suhbati davomida talabalar o‘z fikr-mulohazalari bilan faol ishtirok etib, buyuk ajdodlarimiz merosini chuqur o‘rganish va undan hayotiy saboq olish muhimligini alohida ta’kidladi.
