Bugun, 18-aprel kuni Andijon davlat tibbiyot instituti rektori M.Madazimov ta’lim jarayonlari bilan yaqindan tanishish maqsadida institutning asosiy binosida joylashgan o‘quv auditoriyalarida bo‘lib, o‘tkazilayotgan dars mashg‘ulotlarini ko‘zdan kechirdi.
Unda rektor talabalar bilan samimiy muloqot olib borib, ularga fanlarni puxta o‘zlashtirish, darslarda muntazam va o‘z vaqtida ishtirok etish, shuningdek, kiyinish madaniyati va odob-axloq, institutning ichki tartib-qoidalariga qat’iy rioya qilish muhimligi haqida qimmatli tavsiyalar berdi.
Shu bilan birga, professor-o‘qituvchilarga dars mashg‘ulotlarini zamonaviy yondashuvlar asosida, sifatli va samarali tashkil etish yuzasidan muhim taklif va tavsiyalar ilgari surildi.
Mazkur o'rganish jarayoni ta’lim sifatini yanada oshirish, talabalarning bilim va tarbiyasiga alohida e’tibor qaratish yo‘lida muhim tashabbus bo‘ldi.
