Toshkent davlat stomatologiya institutida «MegaMaster» talabalarning respublika tanlovi bo‘lib o‘tdi. Unda Toshkent davlat stomatologiya instituti, Andijon davlat tibbiyot instituti, Buxoro davlat tibbiyot instituti, Samarqand davlat tibbiyot instituti va Qoraqolpog‘iston tibbiyot institutidan 14 nafar stomatologiya fakulteti talabalari ishtirok etdilar. Unda institutimiz nomidan stomatologiya fakulteti 4-bosqich talabasi Sherxon Dadaxonov qatnashdi.
Tanlov 3 ta bosqichda o‘tkazilib, birinchi bosqichda ishtirokchilar belgilangan kasalliklar asosida stomatologik bemorning tibbiy kartasini to‘ldirdilar. Ikkinchi bosqich nazariy shaklda bo‘lib, unda ishtirokchilar TDSI simulyatsion markazida elektron holatda vaziyatli masalalarni yechdilar. Uchinchi bosqich amaliy tarzda Fakultet terapevtik stomatologiya kafedrasining fantom zallarida bo‘lib o‘tdi. Bu bosqichda talabalar fantomlarda tishlar restavratsiyasini amalga oshirdilar.
Mazkur tanlovda ADTI Gospital va klinik stomatologiya kafedrasi mudiri R. Raimjonov ekspert sifatida va kafedra katta o‘qituvchisi B. Usmonov kuzatuvchi sifatida ishtirok etdilar.
Quvonarlisi, barcha bosqichlar yakuniga ko‘ra, ADTI talabasi Sh. Dadaxonov tanlovning «Absolyut chempioni» deb topildi.