Andijon davlat tibbiyot institutida 2022-yil oktabr oyi yakunlariga bagʻishlangan ilmiy kengash yigʻilishi boʻlib oʻtdi. Unda institut rektori M.Madazimov, prorektorlar, fakultet dekanlari, kafedra mudirlari va boʻlim boshliqlari ishtirok etdi.
Yigʻilish avvalida kun tartibidagi masalalar koʻrib chiqildi. Institut rektorining Dogʻiston davlat tibbiyot universitetiga qilgan safari, amalga oshirilgan ishlar hisoboti, Xalqaro aloqalar boʻlimining 2021-2022-oʻquv yilgi faoliyati boʻyicha hisoboti, institut professor-oʻqituvchilari orasida chet tillarini oʻrganish holati, viloyat SSB Birlamchi tizim faoliyati samaradorligini oshirishda institut kafedralari tomonidan amalga oshirislihi kerak boʻlgan ishlari xususida maʼruzalar taqdim etildi. Mazkur masalalar boʻyicha oʻzaro muhokama va takliflar kiritildi.
