Andijon davlat tibbiyot instituti tomonidan yana bir xayrli ish tashkil etildi. Stomatologiya fakulteti xodimlari tomonidan Marhamat tumani Gar-gar mahalla fuqarolar yigʻinida Yoshlar yetakchisi tashabbusi bilan faoliyat boshlagan kutubxonaga 25 nomdagi 60 taga yaqin kitoblar taqdim etildi.
Badiiy, ilmiy, siyosiy-iqtisodiy sohalarga oid adabiyotlardan endi mahalla yoshlari bemalol foydalana oladilar. Adabiyotlar ichida tibbiyotga oid kitoblar ham oʻrin oldiki, mahalla yoshlari orasida shifokor boʻlishni istaganlar uchun bu yanada qulay boʻldi.
