Andijon davlat tibbiyot instituti

1964 yilda terapiya kafedrasi tarkibida “Ftiziatriya” nomi bilan birinchi kurs ochilgan. Birinchi kurs mudiri Kurbanali Baltabaev edi.
Kafedraning ilmiy yo‘nalishi – «Andijon viloyatida birlamchi va ikkilamchi doriga turg‘unligini aniqlash»ni o‘rganish edi. К. Bаltabаev va R. Ibragimovalar shu yo‘nalishda ilmiy izlanishlar olib bordilar. Farg‘ona vodiysida yagona bo‘lgan, kafedrada ilk bor ilmiy-klinik laboratoriya tashkil etilgan. Unda ozuqa muhitlarida mikobakteriyalarni o‘stirib, birlamchi va ikkilamchi dorilarga turg‘unlik hamda turli zamburug‘lar aniqlangan. Tekshiruv natijalari ko‘plab ilmiy maqolalar, o‘quv qo‘llanmalari sifatida chop etilgan.
1992 yildan 2000 yilgacha kafedraga tajribali mutaxassis t.f.n., dotsent SH.B. Axunov mudirlik qildi. U yetuk olim, mohir pedagog sifatida faoliyat ko‘rsatdi.
2009-2011 yillarda kafedra dotsenti R.A.Xakimova va kafedra assistentlari tomonidan davlat granti bajarildi, «Диагностика и дифференциальная диагностика туберкулёза у ВИЧ инфицированных. Организация и проведение антиретровирусной терапии у ВИЧ инфицированных больных туберкулёзом в Андижанской области», davlat granti ITSS-28 jami 71 million so’m. Bu grant tekshiruvi natijasida bir nechta o‘quv – uslubiy qo‘llanma, ilmiy maqolalar va ratsionalizatorlik takliflari amaliyotga tadbiq etildi.