Andijon davlat tibbiyot instituti rektori M.Madazimovning Hindistondagi navbatdagi uchrashuvi O‘zbekistonning Dehlidagi elchixonasida tashkil etildi. Unda institut rektori hamda “ACN group of Institution” boshqaruvchisi, Doktor Khan M.S bilan uchrashuvi o‘tkazildi va tomonlar hamkorlik memorandumi imzoladilar.
Bunda asosiy maqsad o‘simliklar asosida dori mahsulotlari tayyorlash va tibbiy sohada zamonaviy bilimlar almashishdan iborat bo‘ldi.
Ma’lumot uchun, “ACN group of Institution” bu 13 dan ortiq Oliy o‘quv yurtlarini o‘zida jamlagan tashkilot bo‘lib, asosan tibbiy ta’limga ixtisoslashgan. Jumladan tibbiyot, hamshiralik ishi, stomatologiya, farmatsiya, Ayurveda kabilar. Bundan tashqari ushbu tashkilotga qarashli 5 ta katta klinika samarali faoliyat yuritib kelmoqda.
